Nochdem si da oane oda aundare scho richtung tt13 gedanken mocht und si in kopf zabricht wia ma am kamottesten seine siem sochn vapockt hob, i mi sofuat aufgmocht zum zweitnextn orangen händler (braumandl) und moi gschaut wos da konzern so zum bieten hod.
Des oane is des "semihartschalenschminkkofferl" mid 12-18liter volumen. des wird mittls quicklock-hufeisen auf da trägerplottn befestigt. Super kompakt und gschwind zum owaneman owa hoid begrenzt in sochn platzangebot. Kostenpunkt: 130 Euronen
Des andere is a hecktaschenrucksack. Wia da nouman scho sog kann ma des gaunz oafoch zu an rucksock umfunktionieren und hod so ungefähr fia 70hüsn (ausgleert natirli) plotz. De toschn wird oafoch iwa di fix vernähte laschn auf da untseitn auf da trägerplottn einghängt und dann mid di träger bei di soziusfuaßrostn niedagspannt. Wirkli geniale gschicht!! Is hoid recht groß, hod gnua plotz owa di holde kann dann neama mitreisen. Kann gleich schnö auf und obbaut wean wia is kloane tascherl. 150 Euronen san zum löhnen.
Uiii, ma merkst scho. Im forum wirds auf oamoi gaunz ruhig. Jeder scho gaunz nervös und kauns neama dawoatn bis endli mittwoch wird.
Burschns, schnö nou a poa richtung hümmidatti oda frau holle (je noch religionszugehörigkeit) schickn und imma brav zaumanessen dass wetter a wirkli passt!!!
Sodala, noch di erschtn beidn ausfoahrten kann i fuigendes dazön:
Nochn 1ten ausreitn woa i goaned zfriedn mid dem werkl. Rutscher und komplett unruhig. Owa daun bin i draufkuman dass ma vagessn hom beim radl montieren zum schaun wia vü luftdruck beim reifn aufziang einipumpt woan san. Und agrat hom de wahnsinnigen weitaus z'laung di pumpn lafn lossn, vorn woan fost 3bar drinnan!!!
Guad, fehler fias nächste moi behoben und schau au - ba da gestrign ausfoahrt samma scho freinde woan. Da reifn hoid anstandlos im winklwerk, koa aufstelln beim nochkorrigieren in da kurfn und generell sehr agil. In angstreifn glei amoi bis auf 2-3mm owagfoan ohne dass ma owa merklich iwatrieben attackiert hättn. Also spitzn reifn fia wenig geld!!!
Des oanzige wos ma gestern aufgfoin is das des vorderradl beim beschleunign gaunz schei gflattert hod. Kau des sei dass is radl unwucht is?? Beim foan söwa hätt i maximal a leichtes vibriern gmerkt...
Hob heit vasuacht den nachmittag sinnvui zum nutzen und dabei is fuigendes aussakuman:
Nochdem ma da motorschutz zwoa guad gfoin hod owa foablich ned gaunz meins woa hod miassn wos passieren. Vom hako schei wax a spraydosn in passenden weiß omischn lossn und vom max a stickl orange folie obgschnorrt (daunke nouamoi) und lousgaungan is. [[File:20120615_154022-1.jpg]] ois uantli obpickt und leicht augschmiaglt
[[File:20120615_160937-1.jpg]] als lackierkammerl hod is carport heahoidn miassn
[[File:20120615_201615-1.jpg]] goud sei daunk woas schei woam und da lack is schnö getrocknet drum is a glei ans bekleben gaungan
[[File:20120615_205506-1.jpg]] sou schauts daun fertig aus!!! Oa-zwoa "foabtupfer" wern nou einikuman owa im großn und gaunz bin i recht z'friedn
Ajo, is heck is a nou a bissl aufgehübscht woan [[File:20120615_175124-1.jpg]]
Sodala, di mimi wieder auf hochglanz poliert noch da gestrigen nossn hoamfoahrt von der casa del 7/8tl.
Neiche reifn san drauf (mipipo2ct) und nou di oan oda andere kloanigkeit zur verhübschung wurde angebrocht.
Soweit steht da morgigen kloanen runde nix im weg... Gerhard und andi san adabei, wer hod sunst nou zeit?? Duffy, losst is viech nou moi von der leine??
Beim Radlobmontiern letzten Sunntag - DANKE nochamoi Max - homma aussagfundn dass di burschen in Mattighofn sogoa in Sochn Tuning by Gewichtsoptimierung midgedocht hom, denn beim erschtn wuchtgwichtowakletzln foid automatisch glei a muaz a flezn beschichtung vo da föng mid owa. Des san daun glei amoi a poa gramm de ma si do einspoart, ohne aufwand, geht gaunz leicht...
Spass beiseite, do wird si woascheinli da kollege in da beschichtung in da orangen zentrale sein rotzgriffl ned gscheitt gwoschn hom bevor a mei föng aufghängt hod...
Moi schaun wos da reitbauer sen. bei KTM aussaschindn kau, ea woa zwoa gestern ned muaz motiviert owa...najo... [[File:f9t50p255n2.jpg|none|auto]]
Wie erwoatet (di ausfoart letztn freitof nou im hinterkopf) is gestern ein schreiben vo da bh eingetrudelt. weil i jo souuu neigarig woa wos mia den die bh ebba schreib reiss i is briafal natirli glei auf und wos sich i? "anonymverfügung", jo des woa ma scho kloa, owa ned vo da bh leoben sondern vo da miaza. und a ned midn mopperl z'schnö gfoin sondern midn auto. "Ortsgebiet Edelsdorf, auf der L114, StrKm 5.1, Richtung Stanz/Mzt" - des is jetzt sicha scho is 3te moi dass mi genau duatn dawischn, i drah durch!!!!
Und i woas ned amoi wou des genau sein sui, do foa i eh scho völli midn retourgang in grobn eini und nou imma passts ned...
Sixtas, guad das ma an Geoinformatiker (vulgo Tuttelbärentreiber) in unserer Runde hom, er hod uns die Streckenverläufe auf a Format brocht mit dem sichs a jeder auf Google-Earth dahoam auschaun kann.
I hoff des funktioniert do jetzt midn datei-anhängen...
Oiso hod nou jeder 1/2 Monat Zeit si dahoam in die Bodwann zum setzen und olle Kurvn zum einstudiern... Es gibt daun koane Ausreden fia a verbremste Spitzkehr!!!
Woas eventö wer wo ma an bogen orange und weiße folie zum bekleben vom mopperl heagriang kunnt?? Am gschicktesten warad natirli wenns genau mid di foam vo da katl zaumanpasst (ral2009,...).