Reifen » Michelin PilotPower 2CT

Sodala, noch di erschtn beidn ausfoahrten kann i fuigendes dazön:

Nochn 1ten ausreitn woa i goaned zfriedn mid dem werkl. Rutscher und komplett unruhig. Owa daun bin i draufkuman dass ma vagessn hom beim radl montieren zum schaun wia vü luftdruck beim reifn aufziang einipumpt woan san.
Und agrat hom de wahnsinnigen weitaus z'laung di pumpn lafn lossn, vorn woan fost 3bar drinnan!!!

Guad, fehler fias nächste moi behoben und schau au - ba da gestrign ausfoahrt samma scho freinde woan. Da reifn hoid anstandlos im winklwerk, koa aufstelln beim nochkorrigieren in da kurfn und generell sehr agil.
In angstreifn glei amoi bis auf 2-3mm owagfoan ohne dass ma owa merklich iwatrieben attackiert hättn.
Also spitzn reifn fia wenig geld!!!

Des oanzige wos ma gestern aufgfoin is das des vorderradl beim beschleunign gaunz schei gflattert hod. Kau des sei dass is radl unwucht is?? Beim foan söwa hätt i maximal a leichtes vibriern gmerkt...

bin gestern a mit di neign rafn (2CT) ausgfohrn.
a klane kuchl runde mit meiner nichte zum burzltog.
da rafn is sehr fein---ka vergleich zum pirelli.
kau scho sei, daß da pirelli beim richtign audruckn besser hoit, oba fia mei ruchlerei is da michelin gut gnua!
super eigendämpfung, sehr handlich, sehr günstig---perfekt.
und vorallem, di klane hintendrauf hod kan mucksa gmocht, somit hob ma aus da kuchl aussi is gas a wengerl länger steh lossn---der rafn hat gnua grip.

s´radl is ned unwucht, martin---die mimmi hod gscheit leistung und do wirds a wengl leicht beim beschleinign.
hoitst die zu verkraumpft am lenker fest?
i glaub, do kau ma wos mit zug/druckstufe ändern--mehr dazu später in diesem forum.

sg