Sag's durch die Blume » Tour Countdown auf HP

Burschns, wurde gestern von Hartl auf an fatalen Fehler auf unsara HP aufmerksam gmocht. Wortlaut wie folgt:"Du foast leicht a eigene Tour und a Wouchn friara, oda wia?". I perplex und planlous (wie meistns hoid), glei auf die Homatseitn gschaut und mitn Kalendarium obglichn...jo sackara, stimmp, do passt wos ned. In meiner Panik heit glei in die Chefetage und kontroliert, ob i mei Beurlaubung wenixtns richtig augmeldet hob. Zum Glück, jo! Waü sunst hätt i ma wieda sou Sochn wie "der Hund is drauf!" vom Chef auhörn kennan.
Zur meina Verteidigung: da Föhla muass am Counter glegn hom, waü do gibst is Obreisedatum ein und oft zählt der automatisch retour. Aüso bitte um Nachsicht.
Euer stets verwirrter
Duffy
PS: hobs scho richtig gstellt, die Zählerei.