Max's Corner » Highscore Kastl

Servus erleuchtung suchender!

Oiso, bin zwoa auch a technisches nokapatzl owa wennst mi frogst is des beste an dem kastldingsbums, das des gaunze owa souwos va derorti laut ausaug dast glaubst di katl inhaliert da di gogala

Probier zeascht amoi a anderes mapping, wiast seng do duat si a scho a bissl wos und mid an zwanzger fias auffispün is goa nix vahaut...

Jo, owa des tuschn is midn kastl genauso weg...

einen wunderschönen guten morgen liebe freunde von der orangen front.

oiso: i hob eich amoi an link vom ktmforum einikopiert. do steht so ziemli ois drinnen, wos wissn wollts.
http://www.ktmforum.eu/forum3/wbb/990-su...d-krümmer/

i hoff, daß des verständli umakummt.

oba egal wost mochst, duffy, des tuschn und blubbern beim gaswegnehmen, des is weg!
oba ehrli, i kau lebn damit.

am bestn, du fohrst amoi mit meiner und mitn martin seiner (akra mapping) und daun kaunst no imma schaun, wost mochst.

wobei, so wia da martin mant, dass di goggal wegsaugt, des is nur bei Stage II und III so. bei stage I bleibt die orig. Airbox und es werden nur die beidn Wartungsdeckel "aussigstellt". und do gibts ka problem mit de kronjuwelen

sg

grüssi verschwitzter duffy

1: i hob stage II, des hast ohne orig. Airbox, dafür mit K&N Filter
2: Mapping brauchst kans, fia des is des kastl jo do.
3: i hobs mit USB anschluß. sinn des gaunzen is nur, daß ma zB. an remuskrümmer nochkaufn kau (Stage III) und des "mapping" via usb vom laptop aufspielen kau.
4: nix prüfstand. i hob zwor scho a poar moi überlegt, oba da weg zum highscore noch wien is si no ned ausgaungan.
5: nur zur info: bei mir tuscht oba nix mehr

im großn und gaunzn is des recht afoch. du schreibst dem "ktm junkie" aus ktm forum a pn, das du a kastl wüst, gibst au wöche ausführung und einige infos zu dein radl.
zB: kastl Stage I, smr 990 bj2009, endtopf leo dingsbums usw.
da highscore hod so ziemli a jede modell konfiguration mit jedem nur erdenklichn auspuff am prüfstand ghobt und programmiert die passende software auf des kastl daun auf.
wennst amoi in auspuff tauscht oder an remuskrümmer montierst usw, daun kaunst des kastl zum highscore schicken und er spüt eben a andere konfiguration in des kastl eini---oder eben via usb vom laptop.

ois kloar?

i hobs neig kaft. wor ned gaunz billig.
i hobs daun vorigen winter no amoi ois zlegt und olle niro teile schworz pulver beschichten lossn. schaut afoch wertiger aus. weiters hob i die rahmenabdeckungen beim lenkkopf ausgeschnitten, damit die kloane a bisserl mehr luft kriagt., najo und heier hob i daun die motorgehäuseentlüftung über an eigenen k&n filter angebaut.
olles in ollem scho recht teuer, oba wos darat ma sunst.

spruch ändert si kaner mehr, nur bei stage II is vollkommen egal, welchen endtopf drauf host---den hearst eh neamma.

von zeit zu zeit san wöche im forum drinnen. des is oba ka große hexerei, des kemma a unter der saison eibauen.

oba, zuerst fohr amoi damit und daun schau ma.

Zitat von Wespe

---

Schaut sau guat aus und so aufgrammt Respekt

---

danke fia die blumen, hot ma oba a gnua hoar kostet beim nochdenkn

Servus Tom!!

Oiso wennst mi frogst is des ganze a geschmackssache.
I hob des kastldingsbums noch da 2ten ausfahrt wieda ausbaut, es woama oafoch z'laut.
Die airbox mocht an derortigen krawall das du ned amoi di laute vo die tröten hinten woanimmst.
Und di resultate in sochn verbesserter fahrbarkeit und leistungssteigerung san zumindest beim stage 2 eher bescheiden fia mein gschmock.

Wia di sachlage beim 3er stage ausschaut, kann da max genaueres dazön - wenn a zwischen woakn, hawan und saunieren amoi zeit find

Ois dann, willkommen in unserem bescheidenen forum!!

Orange Grüße,
Martin